Meridiani-Jona-Valeri: “Juliana je shumë e bukur”; Jona-Meridianit “Pa ty dhe Valerin, ky Big Brother do ishte kot”

Meridiani, Valeri dhe Jona ftojnë Julianën të bisedojë me ta. Pasi flasin për banorët e eliminuar tashmë nga loja, ata fillojnë të komplimentojnë Julianën. “Sa e bukur është Xhuli, edhe në errësirë është e bukur qelbësira”, thotë Jona. Valeri thotë se e ka thënë me kohë këtë gjë, ndërkohë që edhe Meridiani e mbështet. “Po talleni me mua ju?”, i pyet Juliana, por Jona përgjigjet: “Jo, je kokrra e yllit”. Valeri thotë se Juliana ka bukuri natyrale, duke e këshilluar të mos lyhet shumë. Jona dhe Meridiani shkojnë tek krevati i Julianës, duke e përkëdhelur dhe duke i thënë komplimente. “Si dritë, si jetë, si karamele është”, i thotë Meridiani. Më pas Juliana merr një buburrec në oborr dhe tremb Jonën, ndërsa ajo bërtet me të madhe. Në dhomë mbeten Jona e Meridiani, të cilët fillojnë të flasin për lojën në shtëpi dhe miqësitë që krijohen aty. “Pa ty dhe Valerin ky Big Brother do ishte kot”, thotë Jona. Meridiani shprehet se Big Brother-i i ka dhënë shumë miq, duke përmendur Jonën, Matildën, Fatjonin, Visarin dhe Valerin. Jona çuditet me këtë të fundit dhe e pyet nëse do ta ketë shok Valerin dhe jashtë. Meridiani thotë se patjetër që do jenë miq, pavarësisht se aty janë në lojë dhe kanë mendime të ndryshme. Ai thotë se edhe me Katerinën do të shkojë, ashtu si me të gjithë banorët. Jona mendon se do të shkojë mirë me të gjithë, përveç Violës, sepse ajo nuk e kupton. Meridiani thotë se kur të dalin jashtë do e kuptojnë njëra-tjetrën më mirë. Ai shprehet se eksperienca në shtëpi i ka dhënë shumë miq, pasi edhe me familjarët nuk kanë qëndruar 24 orë në ditë.
Shperndaje

    Blogger Comment
    Facebook Comment

0 comments:

Post a Comment